Farm Chin Baptist Church cu July 26, 2020 ah Farm ah ummi (Springfield, MO Area) Chin miphun minung tlawmte hmang in Bawipa nih a Min Sunparnak ding caah a dirhmi a si. Minung tlawmte kan rak si lio in Pu Ngin Lam Thang te inn (garage) ah pumhnak kan rak thok i, Pathian Biak ding le Thangtthat dingah kan rak i pum. Bawipa nih thluachuah a kan pek i, caan rau lo ah member kan hung karh caah Solid Rock Baptist Church, Exeter, MO biakinn kan hlang i cu ka ah cun kum khat chung kan i pum. Cu hnu ah First Baptist Church of Purdy, Purdy, MO ah biakinn hlang in kan i tthial tthan i, kum khat hrawng kan i pum tthan. Cu ti Bawipa nih lam a kan hruai i, January, 2024 in Bawipa thawngin kan sak tharmi biakinn ah kan i tthial. 

Bawipa nih FCBC khrihabu a dawt i, vel a ngeih, tiah kan zumh. 2020 ah minung tlawm tein rak dirhmi khrihfabu si nain, tuni ah member 350-400 khrihfabu ah thlua a kan chuah. 2020 ah Acres 9 Wheaton, MO ah kan cawk i, Pathian Biaknak le Thangtthatnak Biakinn million 3 hrawng dih in kan sak. Cu ah cun a tu hi kan i pum. 2024 kum thok in Fellowship Hall (Gym) sak kan thok i, Bawipa nih a rem ti ah cun 2024 kum dongh lei ah kan lim lai. Bawipa nih sunparnak vialte co dih ko seh.