Pathian Sunparnak (God’s Glory) 

F.C.B.C a um hnawhchan cu Pathian Sunparnak caah a si. Khrihfabu nih aa tinhmi, a tuahmi, le aa hmaithlakmi vialte hna hmang in Pathian Sunparnak pek le a Pennak Kauhter hi a muru bik a si.

Pathian Bia Cawnnak (God’s Word)

F.C.B.C nih Pathian Bia (Bible) Relnak, cawnpiaknak, le chim/phuannak hi biapi taktak ah chiahmi, aa hmaithlakmi, le aa tlaihmi a si. Cucaah, zarh fatin in Sunday School le Mino Bible Cawnnak (Bible Study) ngeih a si. Kum fatin Children Ministry le Youth Ministry Camp ah Pathian Bia cawnpiaknak ngeih a si. Kum fatin Bupi (member dihlak) caah Pathian Bia cawnnak (crusade) program zong ngeih a si. 

Thlacamnak (Prayer) 

Khrihfabu a damnak, a tthawnnak, le a thil ti khawhnak (effectiveness) cu thlacamnak hi a si, tiah kan zumh caah thlacamnak hi faakpi in le biapi taktak in aa hmaithlakmi a si. Thla a cammi khrihfabu sihi kan saduhthah a si. 

Zultu Sernak (Making-Disciple) 

Khrihfabu member dihlak Khrih Zultu Sinak ah tthan (Discipleship) le Khrih nih nawl a kan pek bantukin Miphun Vialte Khrih Zultu Sernak (Making-Disciple) hi biapi ah kan chiahmi le hmaithlakmi a si. 

Vawlei Khuazakip ah Thawngttha Phakternak (Evangelism)

Jesuh Khrih Thawngttha cu Pathian tthawnnak hmual a si i, a zummi vialte ah Khamhnak hmuhnak a si, tiah kan zumh i, Jesuh Khrih Thawngttha zumh/cohlan lo in ahohmanh nih Khamhnak hmuh khawh a si lo, tiah kan zumh caah mi vialte sin ah Khamhnak Thawngttha phakter hi faakpi in kan i zuammi a si. 

Mission Rianttuannak (Mission)

Kan Pathian cu Mission thinlung ngeimi Pathian a si, tiah kan zumh. Thlarau tlau tlaih le chanhchuah a duhmi Pathian a si, tiah kan zumh. Pathian nih a Fapa vawlei ah a thlah bantukin kannih (FCBC) zong vawlei ah mission rianttuan ding in thlahmi kan si ve, tiah kan zumh. Cucaah, missionary tampi in thlah kan i zuam; kan khrihfabu chung in missionary tampi chuahter zong kan i zuam; kanmah zong kan umnak hmun paoh ah kan bia le kan tuahsernak in missionary si kan i zuam. 

Hruaitu Tha Sinak (Leadership) 

A dammi khrihfabu a dammi hruaitu in aa thok, tiah kan zumh. Khrihfabu a damnak le a zawtnak, a dernak le a tthawnnak zong hruaitu cungah aa hngat, tiah kan zumh. Hruaitu kan tthat, kan fel, le kan i biatak lawngah kan hruaimi khrihfabu le mipi nih an kan zulhdawi lai, tiah kan zumh. Cucaah, hruaitu ttha sinak hi biapi ah kan chiahmi le hmaithlakmi a si i, kan khrihfabu chung in hmailei hruaitu ttha tampi chuahter zong kan thlacamnak le kan saduhthah a si.